Xamiol (betametasondipropionat og kalsipotriolmonohydrat) på blå resept frå 1. mai 2010
Frå 1. mai kan Xamiol skrivast ut på blå resept for pasientar med psoriasis i hovudbotnen. Preparatet er ein gel og inneheld verkestoffa betametasondipropionat og kalsipotriolmonohydrat.
Etter ei totalvurdering meiner Legemiddelverket at Xamiol® kan vere eit behandlingsalternativ som vil kunne tilfredsstille eit behov i behandlinga av psoriasis i hovudbotnen. Dette på grunnlag av at nokon pasientar kan finne gelformuleringa enkel å bruke (ei dagleg dosering og ei enklare form). Når det gjeld effekt i forhold til eksisterande produkt innanfor psoriasis i hovudbotnen er det ikkje føretatt nokon konklusjon frå Legemiddverket si side, dette på grunn av usikkerheitar i forhold til dokumentasjon. Etter ein prisreduksjon og på bakgrunn av at psoriasisbehandling i stor grad vert styrt av blant anna pasienten si eiga vurdering av behandlinga og behandlingsalternativ antek Legemiddelverket at effekten av Xamiol® står i eit rimeleg forhold til kostnadane ved behandlinga.
Kontaktpersoner
Kristin Tjønn, forskar
Tlf: 22 89 75 20
kristin.tjonn[at]legemiddelverket.no
Avdeling for legemiddeløkonomi
Kristin Helene Svanqvist, seksjonssjef
Telefon: 22 89 75 86
kristin-helene.svanqvist[at]legemiddelverket.no
Seksjon for legemiddelrefusjon
Sist gjennomgått: 01.06.2010
Første gang publisert: 01.06.2010