Åtvaring mot Aristolochia
Aristolochia har vore brukt i kinesisk urtemedisin m.a. som betennelsesdempande middel mot revmatiske sjukdommar. I mange land er Aristolochia forbode på grunn av innhaldet av aristolochiasyrer. Aristolochiasyrer har mutagen, kreftframkallande og nyretoksisk effekt, sjølv i små doser.
2000-05-15 (redaksjonell bearbeiding 2000-07-18):Urtemedisin kan gje alvorleg nyreskade og kreft i urinvegane:
I Belgia, Frankrike, Storbritannia, Kina og Japan er det sett ei rekkje døme på nyreskader som har førd til kronisk nyresvikt, nyretransplantasjon og einskilde dødsfall. Aristolochiasyrer har og resultert i utvikling av kreft i urinvegane. Aristolochiasyrer finst i alle delar av planta: rot, stengel, blad og frukt.
SLK klassifiserte i mars 2000 alle Aristolochia-artar som reseptpliktige legemiddel. Dette blei gjort på bakgrunn av meldingar om alvorlege biverknader. Klassifiseringa inneber i praksis at det er forbode å omsetje Aristolochia-haldige middel i Norge.
I kinesisk farmakope er mellom andre følgjande Aristolochia-arter tatt med: Aristolochia manshuriensis, Aristolochia contorta, Aristolochia debilis og Aristolochia fangchi (som var årsak til over 100 tilfelle av alvorleg nyreskade i Belgia).
Det viser seg at på grunn av namnelikskap ved bruk av Pin Yin-namn i marknadsføringa, har desse Aristolochia-artane blitt forveksla med andre urter som er vanlege ingrediensar i kinesisk urtemedisin. Desse urtene er mellom anna Stephania tetrandra, Cocculus trilobus, Cocculus orbiculatus, Clematis armandii, Clematis montana, Akebia quinata og Akebia trifoliata. Preparat som inneheld nokon av desse urtene, i samsvar med ingredienslista, kan derfor innehalde Aristolochia. Alle desse urtene blir rekna som legemiddel og er ikkje lov å selge i Norge.
Ei undersøking av kinesiske urtemedisiner i Storbritannia viste spor av Aristolochia i 44 % av de 63 midla som blei analysert.
SLK ber på bakgrunn av dette om at brukarar av kinesiske urtemedisiner er særskild varsame. Ein bør unngå middel utan grundige opplysningar av innhaldsstoffa. Legar bør spørje pasientar med uforklarleg nyresvikt om bruk av eksotiske urtemedisiner.
Sidsel Harby, førstekonsulent
Registeringsavdelingen
Steinar Madsen, overlege
Seksjon for medisinsk etterkontroll
Litteraturhenvisninger:
- Cosyns JP; Jadoul M; Squifflet JP; Wese FX; van Ypersele de Strihou C. Urothelial lesions in Chinese-herb nephropathy. Am J Kidney Dis 1999; 33: 1011–7.
- Vanherweghem JL. Misuse of herbal remedies: the case of an outbreak of terminal renal failure in Belgium. J Altern Complement Med. 1998; 4: 9–13.
- Vanherweghem JL. Aristolochia sp and chronic interstitial nephropathies in Indians.
Lancet. 1997; 349: 1399.
Sist gjennomgått: 30.06.2005
Første gang publisert: 18.07.2000